Hoxhaj e quan të pamoralshme garën e partive politike për postin e presidentit

Hoxhaj: Gara e partive politike për postin e presidentit, e pamoralshme.

Nënkryetari i Partisë Demokratike të Kosovës, Enver Hoxhaj, garën e partive politike për president të vendit e ka quajtur të pamoralshme.

“Mendojmë se është e parakohshme dhe e pamoralshme, që të hapet dhe të aktualizohet tema se kush do të jetë president i Kosovës kur Kosova e ka presidentin dhe kur mandati i tij përfundon tek në pranverën e vitit 2021”, ka deklaruar Hoxhaj në RTK.

Tutje, Hoxhaj, ka deklaruar se LDK dhe AAK do të duhej të merreshin me tena që e preokupojnë qytetarin e jo me pazare politike.

“Dhe mendojmë se partnerët e koalicionet do të duhej të debatojnë për temat aktuale që i ka vendi; pandemia, zhvillimi ekonomik dhe tema të tjera akute, e jo të merren me kush do të zgjidhet president në pranverën e vitit 2021”, ka thënë Enver Hoxhaj.