Vijon rritja shqetësuese e rasteve të reja me koronavirus në Itali

Vazhdon rritja shqetësuese e rasteve të reja me koronavirus në Itali.

Sipas shifrave të publikuara nga autoritetet atje, janë 629 raste të reja të konfirmuara gjatë ditës së fundit, por fatmirësisht vetëm katër viktima.

Gjithsesi numri i rasteve vijon të jetë më i larti që nga muaji qershor dhe gati 60 më shumë se një ditë më parë. Numri total i rasteve aktive është 14 406.

Gjatë ditës së fundit janë konfirmuar 764 të shëruar, ndërsa vetëm 55 persona janë në terapi intensive në të gjithë vendin.